السلام عليكم ورحمة الله وبركاته
ايوه كيفما وعدتكم غنتقلو لبشرة الجسم
نبداو بازالة الشعر من الجسم وعبر استفتاء فاحد المنتديات العربية ثبت ان براون احسن و سيلة لازالة الشعر فالحلق باستعمال الة الحلاقة كيكحل البشرة و كينمو الشعر بسرعة مع احتمال ظهور الحبوب و الحلاوة راه العداب بعينيه و خصوصا للمنطقة الحساسة و حتى اللي كتصبر للالم راه هناك امكانية كبيرة لترهل البشرة و ارتخاءها بالسيف من كثرة ما كتجد و منساوش الحبوب اللي كيطلع من بعد النزع بالحلاوة كاينين مساحيق اخرى بحال veet و labelle vite و على العموم كل وحدة و فاش كترتاح و نصيحتي ليكم هي مع مداومة مسح البشرة بزيت الزيتون بعد كل نزع للشعر يخفف تدريجيا و مع الوقت نمو الشعر كما يلمع البشرة و كيغديها و كيعطيها لمعة و اياكن غسله مباشرة خليه فيك شوية حتى ينشف و يمكن ليك تضيفي الملح و هادي وصفة كيستعملوها الافريقيات داكشي لاش ديما كنشوفوهم مالطات و كيبريو
النقطة الثانية اسوداد المناطق الحساسة
ماغاداش نهدر على الوصفات و الخلطات حيت صراحة حنا مكنصبروش و كنبغيو النتيجة الفورية و انا خاصة كانو نصحوني ب bébé set لازالة العرق لكن للاسف كحلات ليا الابط ديالي بشكل كان كيقززني و الحل كان هو شيرلي ابطين دياولي بيضين تبارك الله و ماكانحشمش نعريهم اصلا هادي كثر من 7 سنوات و انا كنستعملها و ملي بدلتها ندمت عليها و ملي جاني العرس غلى غفلة هي اللي نفعاتني كاين دوف و هي مزيانة بزاااااف و احسن ما كاين فالسوق و حتى بيلي بالمياه المعدنية ممتازة و حدار من ريكسونا كتكحل البشرة
للمنطقة الحساسة كنصحكم حبيباتي باتباع واحد القضية و هي مفيدة جدا كيفما عارفين فالمنطقة حساسة كتاثر بزااااف بالعوامل الخارجية كالرطوبة نظرا لعدم التجفبف الجيد ولا حتى الماء السائل اللي كينزل اعزكم الله و نصيحتي ليكم و اللي نفعاتني مزياااان هي مرة او مرتين فالاسبوع حاولي عدم ارتداء (السليب) و حتى ملي تبغي تنعسي نعسي بلاه راها مهمة جدا لتهوية المنطقة و جفافها و شدها و حفظها من الترهل و حافظي على المشي تا هو مهم جدا
حاولي الاعتماد خلال النهار على (السليب) المقطن و الواسع و تجنبي السراويل الضيقة حيت الوقاية احسن من العلاج و شخصيا ما عمرني ستعملت شي خلطة النطقة خفت حيت راها حساسة و طبقة البشرة رهيفة و كتشرب اي مادة و فرأي ديالي شوفي صيدلانية تنصحك بدواء او مرهم مخصص للمنطقة و بعدي على الخلطات
العريسات عندي ليكم واحد النصيحة و طبعا حتى هي مجربة بخصوص المنطقة الحساسة و هي عبارة عن تمارين كنديروها ومكتطلبش وقت خاص يمكن ليك تديريها فجميع الاماكن ونضمن ليك تاواحد ما غادي يعيق بيك هههههه و هي تمارين الكيجل
وهذي نبذة عن تمارين كيجل:
تمارين كيجل هي تمارين تستخدم لتقوية عضلات التحكم في المهبل (عضلات كيجل) هناك مجموعة من العضلات التي تمتد من أمام عظمة العانة إلى خلفها وهي تحيط بفتحتي المهبل والشرج. وكلما قويت هذه العضلات كلما زادت حدة النشوة أثناء بلوغ الذروة (اورغازم orgasm)، وهذه العضلات تسمى عضلات كيجل، أو عضلات PC. ولتقوية هذه العضلات تتخيل المرأة أنها تريد حبس تدفق البول وهي في الحمام. في هذه الحالة تنقبض عضلات كيجل لعدة ثوان ثم تعود للانبساط. وتكرر المرأة عملية الانقباض التي تتمثل في السحب لأعلى والى الداخل. وبعد ذلك تلجأ المرأة إلى بسط هذه العضلات. وتستمر عملية البسط والقبض لمدة ثلاث ثوان وتكرر عدة مرات لتصل إلى 25-30 مرة. ويمكن إجراء تمرين عضلات كيجل أثناء الوقوف أو الجلوس أو الإضطجاع مرتين إلى ثلاث مرات في اليوم.
واللي بغات تتعمق فالموضوع عمي غوغل فالدمة ما يبخلش عليك بالمعلومات هههههههه
نكملو موضوعنا و مع الخطوة التالية فالعناية ببشرة الجسم و سمحوا لي نعاود ليكم على معاناتي الطويييييلة فهاد الميدان اعزكم الله يا الغاليات انا كنت كنعاني من كاع المشاكل الممكن توقعها كالحبوب فالدراعين و الفخدين و كدلك الظهر الشعر تحت الجلد اتار الحبوب الزرقاء اللون و حتى الخطوط البيضاء ما شاء الله خريطة و صافي و كنت كنحشم قدام قريناتي و تبعت عند طبيب الجلد و النتيجة لا تغيير لكن ما ستسلمتش و الحمد لله ان ربي رازقني الصبر و الموهبة الوصفة اللي قريتها ما كنديرهاش كيفما هي ضروري نبدع باش حتى الا خرجت على راسي مانلوم غير راسي هههههههه(عندي فلسفة فالوصفات) المهم هداني الله لواحد السيدة شافتني فالحمام و قالتلي ديري البصلة الحمرا راها مزيانة للحبوب و كيفما قلت ليكم ضروري من الاضافات و الحمدلله كانت اضافة فمحلها و سبق لي نزلتها فاحد المنتديات و كان ليها صدى كبير و كاع اللي جربوها شكروني
كنعرفه ان الكوماج مههههههههم و احسن كوماج لبشرة الجسم و هو ما يعرف بالصقلة
-ملح+سكر خشن (سنيدة)+زيت زيتون+عصير الحامض+البصلة محكوكة+النخالة طبعا فهمتو فين هو الكوماج و فين
الوصفة:
اتمشي عند العطار تقولي ليه يعطيك (الترمس المر)
ترقديه فقرعة ديال الما نهار كامل+يمكن تاني طحنيه وترقديه مع الما
مللي تحيدي الزغب داك الما ديريه فقرعة ديال الرشاشة ولا قطن ودوزييه علا البلاصة اللي حيدتي منها الزغب ومتمسحيهش خللي البشرة تمص داك الما
اتلاحضي مع المدة الزغب تيقلال حتى ميبقاش باباه ينوض
هاذ الوصفة راها السر ديالي ولكن نتوما خواتاتي نفيدكم بيها
جربوها جربوها وكرري العملية كل يوم
